ვალერიანი პიტნით (კატაბალახას ექსტრაქტი პიტნით) N100 ტაბ

წამლის ფორმა: ტაბლეტები.
ერთი ტაბლეტის შემადგენლობა: კატაბალახას სქელი ექსტრაქტი - 0,02გ; პიტნის ზეთი – 0,00025გ; 
დამხმარე ნივთიერებები: მაგნიუმის კარბონატი, სახამებელი, გლუკოზა, კალციუმის სტეარატი, ტალკი, პიგმენტები.
                            
ფარმაკოლოგიური მოქმედება: პრეპარატი შეიცავს ვალერიანის და იზოვალერიანის მჟავებს, ბორნეოლს, მირტენოლს, ალკალოიდებს (ვალერინი, ხოტინინი); სედაციური მოქმედების ნივთიერებებს – ვალეპოტრიატებს, პიტნის ეთერზეთებს. 
აღნიშნული შემადგენლობიდან გამომდინარე ,,კატაბალახას ექსტრაქტი პიტნით’’-ტაბლეტები ამცირებს ცენტრალური ნერვული სისტემის აგზნებადობას და აქვს დამამშვიდებელი მოქმედება, ხსნის გლუვი კუნთების სპაზმს, აქვს ნაღვლმდენი მოქმედება, აძლიერებს კუჭ-ნაწლავის ლორწოვანი გარსის სეკრეტორულ აქტივობას, ანელებს გულის რიტმს და აფართოებს კორონარულ სისხლძარღვებს, აძლიერებს საძილე პრეპარატების მოქმედებას. 
პრეპარატის სამკურნალო მოქმედება ვლინდება სისტემატიური და ხანგრძლივი მკურნალობის კურსის გავლის შემდეგ.

ჩვენება: ნერვული აგზნებადობა, უძილობა, გულ-სისხლძარღვთა და საჭმლის მომნელებელი სისტემის ფუნქციური დარღვევები. 

უკუჩვენება: მომატებული მგრძნობელობა პრეპარატში შემავალი კომპონენტების მიმართ.

გვერდითი მოვლენები: პრეპარატის შემადგენლობაში შემავალი კომპონენტებისადმი მომატებული მგრძნობელობისას ცალკეულ შემთხვევებში შესაძლებელია გამოვლინდეს ალერგიული რეაქციები.
               
მიღების წესი და დოზირება: მიიღება პერორალურად: 1-2 ტაბლეტი 3-4-ჯერ დღეში საკვების მიღების დროს.
              
ორსულობა და ლაქტაცია: პრეპარატის გამოყენება ორსულობისა და ლაქტაციის პერიოდში შესაძლებელია ექიმის დანიშნულებით.

ურთიერთქმედება სხვა სამკურნალო საშუალებებთან: დასაშვებია სხვა სედაციურ საშუალებებთან ერთად გამოყენება, აძლიერებს საძილე და ცნს-ის დამთრგუნველი პრეპარატების მოქმედებას. 

ჭარბი დოზირება: დოზის გადაჭარბების შემთხვევები არ დაფიქსირებულა. პრეპარატის მაღალი დოზების სისტემატიური მიღებისას შეიძლება გამოვლინდეს სისუსტე, მოდუნება, შრომისუნარიანობის დაქვეითება, ძილიანობა.

პრეპარატის ზემოქმედება ავტოტრანსპორტისა და მექანიზმის მართვის უნარზე:
პრეპარატის მიღების შემთხვევაში სიფრთხილის დაცვაა საჭირო ავტოტრანსპორტისა და მექანიზმების მართვის დროს, რადგან გავლენას ახდენს ყურადღების კონცენტრირებისა და სწრაფი რეაგირების უნარზე.

შეფუთვა: N20 ტაბლეტი ბლისტერზე, 2 ან 5 ბლისტერი მუყაოს კოლოფში.
 
ვარგისიანობის ვადა: 2 წელი.
ვარგისობის ვადის გასვლის ან ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.  

შენახვა: ინახება მშრალ, სინათლისგან დაცულ და ბავშვებისთვის მიუწვდომელ ადგილას არაუმეტეს 25 °C ტემპერატურის პირობებში.

აფთიაქიდან გაცემის წესი: ფარმაცევტული პროდუქტის ჯგუფი III, გაიცემა ურეცეპტოდ.