დიარინი - 100მლ ელექსირი

შემადგენლობა: ბროწეულის ქერქის ექსტრაქტი – 5მგ/5მლ; ანწლის ექსტრაქტი – 0,3გ/5მლ. 

ანწლის ექსტრაქტი შეიცავს კაროტინოიდებს, მთრიმლავ ნივთიერებებს, ამინომჟავებს.

ბროწეულის ქერქის ექსტრაქტი შეიცავს მთრიმლავ ნივთიერებებს, ანტიოქსიდანტებს, მიკრო და მაკრო ელემენტებს (კალიუმი, კალციუმი, მაგნიუმი, რკინა, მანგანუმი, თუთია, სელენი, ალუმინი, ქოლინი, ნიკელი და სხვა), პოლიფენოლებს, დიდი რაოდენობით ვიტამინებს (K, C, B ჯგუფის)

ფარმაკოლოგიური მოქმედება: ბროწეულის ქერქსა და ანწლის ნაყოფში შემავალი ბიოლოგიურად აქტიური ნაერთები განსაზღვრავენ მათ ანტიმიკრობულ, შემკვრელ, ანტიოქსიდანტურ, ანტიპარაზიტულ, ანთების საწინააღმდეგო მოქმედებას. 

,,დიარინი’’-ს ელექსირი ეფექტურია დიარეის დროს კუჭ-ნაწლავის ტრაქტზე ძლიერი შემკვრელი მოქმედების გამო. 

ექსპერიმენტული კვლევებით დადგენილია, რომ ბროწეულის ქერქში შემავალი ნივთიერებები ანადგურებს დიზენტერიის, სალმონელოზის, ქოლერის გამომწვევ მიკრობებს. როგორც ცნობილია, ქიმიური პრეპარატები (მაგ. ანტიბიოტიკები) განურჩევლად მოქმედებენ როგორც ავადმყოფობის გამომწვევ, ასევე სასარგებლო მიკროორგანიზმებზე, ორგანიზმის უჯრედებზე, იმუნური სისტემა იძულებულია, შეებრძოლოს საკუთარ უჯრედებს. ,,დიარინი’’-ს უპირატესობას წარმოადგენს ის, რომ მკურნალობის დროს კუჭ-ნაწლავის ტრაქტში თანდათანობით ხდება პათოგენური ბაქტერიების განადგურება, ხოლო მათ ადგილს იკავებს ნაწლავური მიკროფლორა, რომელიც არ ითრგუნება, მრავლდება და ჩაანაცვლებს დაავადების გამომწვევ მიკრობებს. 

,,დიარინი’’-ს ელექსირს ახასიათებს მრავალმხრივ სასარგებლო მოქმედება: არეგულირებს კუჭ-ნაწლავის მუშაობას, აქვს ძლიერი ანტიჰელმინთური მოქმედება, ხელს უწყობს ორგანიზმიდან პარაზიტი ჭიებისა და მათი ცხოველქმედების ტოქსიკური პროდუქტების გამოდევნას (ხანგრძლივი დროის მანძილზე გამოყენება უსაფრთხოა ორგანიზმისთვის - ქიმიური პრეპარატებისგან განსხვავებით არ აღიზიანებს ღვიძლს), ხელს უწყობს ორგანიზმიდან კანცეროგენული  და რადიოაქტიური ნივთიერებების გამოდევნას, ანელებს ორგანიზმის დაბერების პროცესს, მონაწილეობს სისხლის წარმოქმნის პროცესებში. 

ჩვენება: გამოიყენება როგორც შემკვრელი და ანტიმიკრობული აქტივობის მქონე საშუალება დიარეის (ფაღარათი), დისბაქტერიოზის, დიზენტერიის, სალმონელოზის დროს. 

მიღების წესი და დოზირება: ფაღარათის მარტივი ფორმის დროს: 

8 - დან 12 წლამდე ასაკის ბავშვებში მიიღება 5მლ ელექსირი (1 ჩაის კოვზი) 1 - ჯერ დღეში ჭამის შემდეგ.  

5 - დან 8 წლამდე ასაკის ბავშვებში მიიღება 2,5მლ ელექსირი (1/2 ჩაის კოვზი) 1 - ჯერ დღეში ჭამის შემდეგ. 

2 - დან 5 წლამდე ასაკის ბავშვებში მიიღება 1,25მლ ელექსირი (1/4 ჩაის კოვზი) 1 - ჯერ დღეში ჭამის შემდეგ.   

14 წლის ზემოთ მოზარდებსა და მოზრდილებში მიიღება 10-15მლ ელექსირი (2-3 ჩაის კოვზი) 1 - ჯერ დღეში ჭამის შემდეგ. 

თუ კუჭ-ნაწლავის მუშაობა ,,დიარინი’’-ს ელექსირის ერთჯერადი გამოყენებით არ მოწესრიგდა, მაშინ პრეპარატის მიღება უნდა გაგრძელდეს 1 კვირის განმავლობაში დოზის გაორმაგებით. 

დისბაქტერიოზის, სალმონელოზისა და დიზენტერიის მკურნალობის დროს ,,დიარინი’’-ს ელექსირის მიღება საჭიროა 1 კვირის მანძილზე დოზირებით: 

8 - დან 12 წლამდე ასაკის ბავშვებში - 5მლ ელექსირი (1 ჩაის კოვზი) 2 - ჯერ დღეში ჭამის შემდეგ.  

5 - დან 8 წლამდე ასაკის ბავშვებში - 2,5მლ ელექსირი (1/2 ჩაის კოვზი) 2 - ჯერ დღეში ჭამის შემდეგ. 

2 - დან 5 წლამდე ასაკის ბავშვებში - 1,25მლ ელექსირი (1/4 ჩაის კოვზი) 2 - ჯერ დღეში ჭამის შემდეგ.  

14 წლის ზემოთ მოზარდებსა და მოზრდილებში მიიღება 10-15მლ ელექსირი (2-3 ჩაის კოვზი) 2 - ჯერ დღეში ჭამის შემდეგ. 

დასაშვებია ელექსირის მიღება მცირე რაოდენობით წყალში განზავებით.

გვერდითი მოვლენები: პრეპარატის შემადგენლობაში შემავალი რომელიმე კომპონენტის მიმართ მომატებული მგრძნობელობის დროს შეიძლება გამოვლინდეს ალერგიული რეაქციები.  

გვერდითი ეფექტების გამოვლენის შემთხვევაში პაციენტმა უნდა შეწყვიტოს მკურნალობა და უნდა მიმართოს ექიმს.

იმ გვერდითი ეფექტების გამოვლენის შემთხვევაში, რომლებიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს ან ფარმაცევტს. 

უკუჩვენება: ალერგიულობა პრეპარატში შემავალი კომპონენტების მიმართ, ქრონიკული შეკრულობა, ჰემოროიდალური კვანძების ანთება, ორსულობა და ლაქტაციის პერიოდი, ჰეპატიტი, მწვავე ნეფრიტი.

ორსულობა და ლაქტაციის პერიოდი: პრეპარატი არ გამოიყენება ორსულობისა და ლაქტაციის პერიოდში. 

ზემოქმედება ავტოტრანსპორტისა და მექანიზმების მართვის უნარზე: პრეპარატის მიღება გავლენას არ ახდენს ავტოტრანსპორტისა და მექანიზმების მართვის უნარზე.

დოზის გადაჭარბება: პრეპარატში ალკალოიდების შემცველობის გამო, დოზის გადაჭარბების შემთხვევაში შეიძლება ადგილი ჰქონდეს მოწამვლის სიმპტომების განვითარებას. ჭარბი დოზირების შემთხვევაში საჭიროა კუჭის ამორეცხვა, ადსორბენტის დანიშვნა.

გამოშვების ფორმა:  

პირველადი შეფუთვა: 100მლ ელექსირი მუქი პოლიმერული მასალის ფლაკონში.

მეორეული შეფუთვა: 1 ფლაკონი მოთავსებულია მუყაოს კოლოფში ინსტრუქციასთან ერთად.

ვარგისობის ვადა: 2 წელი.

ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში პრეპარატის გამოყენება დაუშვებელია. 

შენახვის პირობები: ინახება არა უმეტეს 25°ჩ ტემპერატურის პირობებში, მშრალ, სინათლისგან დაცულ ადგილზე.

გაცემის წესი: გაიცემა რეცეპტის გარეშე.