×
ჰიგიენური საშუალებები
მედიკამენტები
თავის მოვლა
კოსმეტიკა
Beurer - აპარატები
საბავშვო
შეთავაზებები
ფილიალები
neoshop

მუკალტინის შუშხუნა ფხვნილი პაკეტებში N10

13 GEL

ბრენდი
ნეოფარმი
ფასი
13 GEL
ქვეყანა
საქართველო
დეტალური აღწერა:

კომბინირებული პარასამკურნალო საშუალება

ფარმაკოლოგიური ჯგუფი: ამოსახველებელი საშუალება.

წამლის ფორმა: შუშხუნა ფხვნილი პაკეტებში.

ერთი პაკეტის შიგთავსის შემადგენლობა: 

აქტიური სუბსტანციები: მუკალტინი (ტუხტის მიწისზედა ნაწილების მშრალი ექსტრაქტი) – 50მგ; პიტნის ზეთი _ 5,77მგ.  

დამხმარე ნივთიერებები: ნატრიუმის ჰიდროკარბონატი, ლიმონმჟავა, ლაქტოზა, სახარინი, მარწყვის არომატიზატორი, პოლივინილპიროლიდონი, პოლიეთილენგლი-კოლი.

პრეპარატი შეიცავს ბიოლოგიურად აქტიურ ნივთიერებათა კომპლექსს: პოლისაქარიდებს, ეთერზეთებს, ფლავონოიდებს (ქვერცეტინი, კემპფეროლი),   კუმარინებს, ანთოციანებს, ორგანულ მჟავებს (ლიმონის, ვაშლის, სალიცილის), ჩ ვიტამინს, პექტინოვან ნივთიერებებს, კაროტინს.

 ფარმაკოლოგიური მოქმედება: ,,მუკალტინი’’-ს შუშხუნა ფხვნილი  ხასიათდება ამოსახველებელი, ადგილობრივი დამარბილებელი და ანთების საწინააღმდეგო მოქმედებით. 

პრეპარატის ამოსახველებელ ეფექტს უზრუნველყოფს ტუხტის მიწისზედა ნაწილების მშრალი ექსტრაქტი – მუკალტინი, რომელიც აძლიერებს ბრონქების  ლორწოვანი გარსის მოციმციმე ეპითელის წამწამების მოძრაობას და ბრონქული ლორწოს სეკრეციას, იწვევს ნახველის გათხევადებას და აიოლებს მის გამოდევნას სასუნთქი გზებიდან. 

პიტნის ზეთი ხასიათდება ბაქტერიციდული, ანტიმიკრობული, ამოსახველებელი  მოქმედებით, ხსნის სპაზმს, ამიტომ აძლიერებს მუკალტინის ფარმაკოლოგიურ აქტივობას, გაცივების სიმპტომების დროს ამცირებს სასუნთქი გზების ანთებით პროცესებს, სურდოს.   

პრეპარატს გააჩნია ლორწოვანი გარსების დამარბილებელი მოქმედება, რითაც ამცირებს სასუნთქი გზების ლორწოვანი გარსის გაღიზიანებას, ანთებით პროცესს და აჩქარებს დაზიანებული ლორწოვანი გარსის რეგენერაციას. 

ფარმაკოკინეტიკა: აბსორბციის ხარისხი დამოკიდებულია მიღებულ დოზაზე, უპირატესად შეიწოვება თორმეტგოჯა და წვრილი ნაწლავიდან.

 ჩვენება: სასუნთქი გზების მწვავე და ქრონიკული დაავადებები:

•  ბრონქიტი; 

•  პნევმონია;

•  ბრონქოექტაზია;

•  ტრაქეიტი;

•  ლარინგიტი;

•  ანგინა.

მიღების წესი და დოზირება: მიიღება პერორალურად, საკვების მიღების წინ. 

შუშხუნა ფხვნილი უნდა გაიხსნას 100მლ თბილ წყალში.

მოზრდილებში და ბავშვებში 12 წლის ზემოთ: 1-2 პაკეტის შიგთავსი 3-4-ჯერ დღეში.

ბავშვებში 1-დან 3 წლამდე: 1 პაკეტის შიგთავსი 1 – 4 - ჯერ დღეში;

ბავშვებში 3-დან 12 წლამდე: 1-2 პაკეტის შიგთავსი 1 – 4 - ჯერ დღეში.

მკურნალობის კურსის ხანგრძლივობაა 7-15 დღე მდგომარეობის სიმძიმის გათვალისწინებით. 

გვერდითი მოვლენები: პრეპარატში მარწყვის არომატიზატორის არსებობის გამო, შეიძლება ინდივიდუალურად გამოვლინდეს  ალერგიული რეაქციები: გამონაყარი კანზე, ქავილი, ჭინჭრის ციება. 

უკუჩვენება: ალერგიული რეაქციები პრეპარატში შემავალი კომპონენტების მიმართ.

ჭარბი დოზირება: ინფორმაცია პრეპარატის ჭარბი დოზირების შემთხვევების შესახებ არ მოიპოვება.

ორსულობისა და ლაქტაციის პერიოდი: პრეპარატის გამოყენება შესაძლებელია ორსულობისა და ლაქტაციის პერიოდში. 

ურთიერთქმედება სხვა სამკურნალო საშუალებებთან: პრეპარატის მიღება შესაძელებლია სხვა ამოსახველებელ საშუალებებთან ერთად. 

ზემოქმედება ავტოტრანსპორტისა და მექანიზმების მართვის უნარზე: არ ახდენს გავლენას.

გამოშვების ფორმა: 2გ შუშხუნა ფხვნილი პაკეტში. 10 პაკეტი თავსდება მუყაოს კოლოფში ინსტრუქციასთან ერთად.

ვარგისიანობის ვადა: 2 წელი. 

ვარგისობის ვადის გასვლის შემდეგ ან ვიზუალური დათვალიერების შედეგად აღმოჩენილი დეფექტების შემთხვევაში პრეპარატის მიღება დაუშვებელია!

შენახვა: ინახება მშრალ, სინათლისგან დაცულ ადგილზე, 8-15ºC ტემპერატურის პირობებში. 

აფთიაქიდან გაცემის წესი: ფარმაცევტული პროდუქტის ჯგუფი III – გაიცემა ურეცეპტოდ.

მწარმოებელი: შპს ,,ნეოფარმი’’.

საქართველო. თბილისი. დ. აღმაშენებლის ხვ. მე-12 კმ.

ტელ/ფაქს: +995 (032) 259-64-46; 259-57-90.

გაზიარება: