ნეოპერტუსინი 130გრ სიროფი

კომბინირებული მცენარეული წარმოშობის ამოსახველებელი და სედაციური საშუალება.
წამლის ფორმა: სიროფი.
საერთაშორისო სახელწოდება: ბეგქონდარას ექსტრაქტი + კალიუმის ბრომიდი (Serpylli [Thymi vulgaris] herbae extract+Potassium bromide).
ფარმაკოლოგიური ჯგუფი: კომბინირებული მცენარეული წარმოშობის ამოსახველებელი და სედაციური საშუალება.
შემადგენლობა 130გ-ზე: ბეგქონდარას სითხოვანი ექსტარქტი - 15,6გ; კალიუმის ბრომიდი - 1,3გ; სორბინის მჟავა ან მეთილპარაბენი; ეთილის სპირტი; შაქრის სიროფი.
ბეგქონდარას სითხოვანი ექსტრაქტი შეიცავს ბიოლოგიურად აქტიურ ნივთიერებათა კომპლექსს: ეთერზეთს (რომლის ძირითადი კომპონენტებია თიმოლი, კარვაკროლი, ლინალოოლი), ფლავონოიდებს, ურსულის და ოლეინის მჟავებს.
ფარმაკოლოგიური მოქმედება:
ახასიათებს ხველების საწინააღმდეგო, ამოსახველებელი, ანტისეპტიკური, დამამშვიდებელი მოქმედება.
ჩვენებები:
•    ზედა სასუნთქი გზების კატარი;
•    ბრონქიტი;
•    ტრაქეიტი;
•    ყივანახველა.
გვერდითი მოვლენები: ალერგიული რეაქციები პრეპარატში შემავალი კომპონენტების მიმართ.
გვერდითი ეფექტების გამოვლენის შემთხვევაში პაციენტმა უნდა შეწყვიტოს მკურნალობა და უნდა მიმართოს ექიმს.
მიღების წესი და დოზირება: პერორალურად, საკვების მიღების წინ.
მოზრდილებში და ბავშვებში 12 წლის ზემოთ: 15მლ სიროფი 3-4-ჯერ დღეში.
ბავშვებში 1-დან 3 წლამდე: 2,5მლ სიროფი 2-3-ჯერ დღეში;
ბავშვებში 3-დან 6 წლამდე: 5მლ სიროფი 2-3-ჯერ დღეში;
ბავშვებში 6-დან 12 წლამდე: 10მლ სიროფი 2-3-ჯერ დღეში;
(შეიძლება მითითებული დოზების წყალში განზავებით მიღება).
მკურნალობის კურსის ხანგრძლივობა დგინდება ინდივიდუალურად ექიმის მიერ.
დოზის გამოტოვება: დოზის გამოტოვების შემთხვევაში არ შეიძლება გაორმაგებული დოზის მიღება. შემდგომი დოზის მიღება უნდა მოხდეს რაც შეიძლება  მალე ან პირვანდელი სქემის მიხედვით.
უკუჩვენება:
მომატებული მგრძნობელობა ბრომიდების მიმართ; გულის უკმარისობა; ჰიპოტენზია; ანემია; შაქრიანი დიაბეტი.
ორსულობა და ლაქტაციის პერიოდი: პრეპარატი არ გამოიყენება ორსულობისა და ლაქტაციის პერიოდში.
ზემოქმედება ავტოტრანსპორტისა და მექანიზმების მართვის უნარზე: პრეპარატის მიღება გავლენას არ ახდენს ავტოტრანსპორტისა და მექანიზმების მართვის უნარზე.
ურთიერთქმედება სხვა სამკურნალო საშუალებებთან: პრეპარატის მიღება არ არის რეკომენდებული ხველის დამთრგუნველ და კოდეინის შემცველ პრეპარატებთან ერთად.
განსაკუთრებული მითითებები: პრეპარატი არ ინიშნება ერთ წლამდე ასაკის ბავშვებში.
დოზის გადაჭარბება: სიმპტომები: გულისრევა, ღებინება.
მკურნალობა: პრეპარატის მიღების შეწყვეტა.
სიფრთხილე: პრეპარატი სიფრთხილით ინიშნება შაქრიანი დიაბეტის მქონე პაციენტებში, ორსულობისა და ლაქტაციის პერიოდში.
გამოშვების ფორმა:  
პირველადი შეფუთვა: 130გ სიროფი ნარინჯისფერი მინის ან პოლიმერული მასალის  ფლაკონში.
მეორეული შეფუთვა: ერთი ფლაკონი მოთავსებულია მუყაოს კოლოფში ინსტრუქციასთან ერთად.
ვარგისიანობის ვადა:  2 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში პრეპარატის გამოყენება დაუშვებელია.
შენახვის პირობები:
ინახება 15-25°c ტემპერატურის პირობებში, სინათლისგან დაცულ და ბავშვებისთვის მიუწვდომელ ადგილზე.
აფთიაქიდან გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.