რაუნატინი ნეო №50 ტაბლეტი

ფარმაკოთერაპიული ჯგუფი: სიმპათოლიზური საშუალება.

ათქ კოდი: СO2AA  

საერთაშორისო დასახელება:  Rauwolfia alkaloids.

წამლის ფორმა: შემოგარსული ტაბლეტები.

შემადგენლობა:

აქტიური სუბსტანცია: რაუვოლფიას ალკალოიდების ჯამი – 2 მგ.

არააქტიური ნივთიერებები: მაგნიუმის კარბონატი, სახამებელი, ლაქტოზა, ტალკი, კალციუმის სტეარატი, პოლივინილპიროლიდონი, საქაროზა, აეროსილი, ტიტანის ორჟანგი, მწვანე საღებავი.

ფარმაკოლოგიური მოქმედება: 

ფარმაკოდინამიკა: 

რაუნატინი შეიცავს რაუვოლფიას ალკალოიდების კომპლექსს: რეზერპინი, სერპენტინი, აიმალინი და სხვა.  რაუნატინს გააჩნია ჰიპოტენზიური მოქმედება, რაც განპირობებულია ცნს-ში ბიოგენური მონოამინების (ნორადრენალინის, დოფამინის, სეროტონინის) შემცველობის შემცირებით. პრესინაპსურ დაბოლოებებში მედიატორების დეპონირების პროცესის დარღვევით პრეპარატი ბლოკავს ადრენერგულ გადაცემას (ინერვაციას), რაც იწვევს არტერიული წნევის ეტაპობრივ შემცირებას. პრეპარატის განსაკუთრებულობაა თირკმლის გორგლოვანი ფილტრაციის გაზრდა და შესაბამისად თირკმლის სისხლმომარაგების გაზრდა. 

რაუნატინს გააჩნია ასევე ანტიარითმიული მოქმედება, აღადგენს გულის კუნთში აგზნებისა და გამტარობის პროცესებს. გააჩნია ცნს-ზე დამამშვიდებელი მოქმედებაც. პრეპარატის თერაპიული ეფექტი ვლინდება თანდათანობით.  მკურნალობის დაწყებიდან 10-14 დღეში და ნარჩუნდება 2-3 თვის განმავლობაში.  

ფარმაკოკინეტიკა: პრეპარატის ალკალოიდები კარგად შეიწოვება კუჭ-ნაწლავის ტრაქტიდან. მაქსიმალური კონცენტრაცია აღინიშნება მიღებიდან 1-2 სთ-ის შემდეგ. სისხლის პლაზმის ცილებს უკავშირდება პრეპარატის 40-50%. ნახევრადგამოყოფის პერიოდი 50-170 სთ. მეტაბოლიზდება ელენთასა და ღვიძლში. ელიმინირდება ძირითადად ფეკალიებთან და შარდთან ერთად. 

ჩვენებები: მსუბუქი და საშუალო ხარისხის ჰიპერტენზია. 

დოზირება და მიღების ხერხები: რაუნატინი ინიშნება მოზრდილებში და მიიღება პერორალურად საკვების მიღების შემდეგ. პირველი დღის საწყისი დოზა არის  1 ტაბლეტი დღეში, მეორე დღეს 1 ტაბლეტი 2-ჯერ დღეში, მესამე დღეს 1 ტაბლეტი 3-ჯერ დღეში. შემდეგ საერთო დოზას ზრდიან 4-6 ტაბლეტამდე დღეში. სტაბილური თერაპიული ეფექტის მიღების შემდეგ პრეპარატის დოზას თანდათანობით ამცირებენ 1-2 ტაბლეტამდე დღეში. მაქსიმალური სადღეღამისო დოზაა 6 ტაბლეტი.  მკურნალობის კურსია 3-4 კვირა. თუმცა ხშირად პრეპარატი მიიღება ხანგრძლივად, შემანარჩუნებელი დოზით 1 ტაბლეტი დღეში.    

სადღეღამისო დოზა და მკურნალობის ხანგრძლოვობა დგინდება ექიმის დანიშნულებით. 

უკუჩვენებები:

მომატებული მგრძნობელობა რაუვოლფიას ალკალოიდების მიმართ, კუჭისა და თორმეტგოჯა ნაწლავის წყლული, არტერიული ჰიპოტენზია, გულის უკმარისობა, გულის ორგანული დაზიანებები, ბრადიკარდია, გამოხატული ცერებრალური ათეროსკლეროზი, დეპრესია, ეპილეფსია, პარკინსონიზმი, ბრონქული ასთმა, ორსულობა და ლაქტაცია.

გვერდითი მოვლენები:

რაუნატინი რეკომენდებული დოზით მიღების შემთხვევაში არ იწვევს გვერდითი მოვლენების განვითარებას.

ცალკეულ შემთხვევაში შესაძლოა განვითარდეს: ტკივილი მუცლის არეში, გულისრევა, გამონაყარი კანზე, ლორწოვანი გარსის შეშუპება, მომატებული ოფლიანობა, პირის სიმშრალე, საერთო სისუსტე, დეპრესია, ტკივილი გულის არეში, ბრადიკარდია. გვერდითი მოვლენების მოხსნა შესაძლებელია დოზის შემცირებით ან მისი მიღების ხანმოკლე (1-3 დღე) შესვენებით, ხოლო აშკარა აუტანლობის შემთხვევაში საჭიროა პრეპარატის მიღების შეწყვეტა. 

დოზის გადაჭარბება: 

პრეპარატის მაღალი დოზებით მიღებისას შესაძლებელია აღწერილი გვერდითი მოვლენების გაძლიერება. 

სიმპტომები: საერთო სისუსტე, გამოხატული ჰიპოტენზია, ოფლიანობა. მძიმე შემთხვევაში ხანმოკლე ეიფორიის შემდეგ ვითარდება ძილიანობა, დეპრესია, გონების დაკარგვა.

მკურნალობა: პრეპარატის მიღების შეწყვეტა, კუჭის ამორეცხვა, გააქტივებული ნახშირის მიღება, შესაძლებელია ფორსირებული დიურეზი, საჭიროების შემთხვევაში ვენაში რეოპოლიგლუკინის ან მეზატონის შეყვანა ანგიოტენზინამიდის ან 2%-იანი ნორადრენალინის ჰიდროტატრატის დამატებით. კანქვეშ შეჰყავთ ასევე 10%-ანი კოფეინ-ბენზოატ ნატრიუმის ხსნარი.

ურთიერთქმედება სხვა სამკურნალო საშუალებებთან: რაუნატინის ანტიჰიპერტენზული მოქმედება ძლიერდება სხვა ჰიპოტენზიურ პრეპარატებთან ერთად გამოყენებისას. 

პრეპარატი სიფრთხილით ინიშნება ქინიდინთან, ოქტადინთან, საგულე გლიკოზიდებთან ერთად, ვინაიდან შეიძლება გააძლიეროს მათი ტოქსიკური მოქმედება. რაუნატინის ჰიპოტენზიური ეფექტი ძლიერდება მისი კომბინაციით დიურეზულ საშუალებებთან.  რაუნატინი ამცირებს პარკინსონის სამკურნალო საშუალებების ეფექტურობას. 

გამოყენება ორსულობის და ლაქტაციის პერიოდში: ორსულობისა და ლაქტაციის პერიოდში პრეპარატის მიღება უკუნაჩვენებია.  

ზემოქმედება ავტოტრანსპორტისა და მექანიზმების მართვის უნარზე: პრეპარატს შეუძლია დაარღვიოს სწრაფი რეაგირების უნარი, განსაკუთრებით მკურნალობის დასაწყისში. ამდენად პაციენტმა თავი უნდა აარიდოს საქმიანობას, რომელიც მოითხოვს  მომატებულ ყურადღებას და სწრაფ ფსიქომოტორულ რეაქციას. 

გამოშვების ფორმა:

პირველადი შეფუთვა: №10 ტაბლეტი პვქ/ალუ ბლისტერზე;

მეორეული შეფუთვა: 5 ბლისტერი კოლოფში ინსტრუქციასთან ერთად.

ვარგისიანობის ვადა:  3 წელი.

ვარგისობის ვადის გასვლის შემდეგ ან ვიზუალური დათვალიერების შედეგად აღმოჩენილი დეფექტების შემთხვევაში პრეპარატის მიღება დაუშვებელია!

შენახვის პირობები: ინახება მშრალ, სინათლისაგან დაცულ და ბავშვებისთვის მიუწვდომელ ადგილზე, 15-25°C ტემპერატურის პირობებში.  

აფთიაქიდან გაცემის წესი: ფარმაცევტული პროდუქტის ჯგუფი III, გაიცემა ურეცეპტოდ.