ასკოფენი P N10 ტაბლეტი

ანალგეზიური არანარკოტიკული საშუალება
წამლის ფორმა: ტაბლეტები.

ათქ კოდი:  N02BA71.

გენერიული (საერთაშორისო არაპატენტირებული დასახელება): აცეტილსალიცილის მჟავა + პარაცეტამოლი +კოფეინი.

ფარმაკოლოგიური ჯგუფი:
ანალგეზიური არანარკოტიკული საშუალება (არასტეროიდული ანთების საწინააღმდეგო საშუალება + ანალგეზიური არანარკოტიკული საშუალება + ფსიქოსტიმულაციური საშუალება).

შემადგენლობა:
აქტიური სუბსტანციები: აცეტილსალიცილის მჟავა - 0,2გ, პარაცეტამოლი - 0,2გ, კოფეინი - 0,037გ.
დამხმარე ნივთიერებები: ლიმონმჟავა, სახამებელი, ტალკი, რძის შაქარი, პოლივინილპიროლიდონი, კალციუმის სტეარატი;                              

ფარმაკოლოგიური მოქმედება: ასკოფენი კომბინირებული პრეპარატია, რომლის ფარმაკოლოგიური მოქმედება განპირობებულია შემადგენელი კომპონენტებით. აცეტილსალიცილის მჟავა და პარაცეტამოლი ახდენს პროსტაგლანდინების სინთეზის ინჰიბირებას, რის შედეგადაც ავლენს ტკივილგამაყუჩებელ, ანთების საწინააღმდეგო და სიცხის დამწევ მოქმედებას.
კოფეინი აღაგზნებს სუნთქვისა და სისხლძარღვთა მამოძრავებელ ცენტრებს, აფართოებს სისხლძარღვებს თავის ტვინში, ასევე აძლიერებს აცეტილსალიცილის მჟავასა და პარაცეტამოლის მოქმედების ეფექტს.

ჩვენება:
სხვადასხვა ეტიოლოგიის ზომიერად გამოხატული ტკივილის სინდრომი:
•    თავის ტკივილი;
•    შაკიკი;
•    კბილის ტკივილი;
•    ნევრალგია;
•    მიალგია;
•    ალგოდისმენორეა;
•    ცხელებით მიმდინარე რევმატიული დაავადებები და გაციება.

დოზირება და მიღების წესი: 1 ტაბლეტი 2-3-ჯერ დღეში.

უკუჩვენება:
•    მომატებული მგრძნობელობა პრეპარატის შემადგენელი კომპონენტებისადმი;
•    კუჭის და თორმეტგოჯა ნაწლავის წყლულოვანი დაავადება გამწვავების ფაზაში;
•    სისხლდენა კუჭ-ნაწლავის ტრაქტიდან (მათ შორის ანამნეზში);
•    ჰემორაგიული დიათეზი;
•    ორსულობა და ლაქტაცია.


გვერდითი მოვლენები: გულისრევა, გულძმარვა, ტკივილი ეპიგასტრიუმის არეში, სისხლდენა, ალერგიული რეაქციები.

ჭარბი დოზა: დოზის გადაჭარბების შემთხვევაში აუცილებელია კუჭის ამორეცხვა და გააქტივებული ნახშირის მიღება.

სიფრთხილე: არ არის რეკომენდებული პრეპარატის კომბინირება ბარბიტურატებთან, სალიცილატებთან, კრუნჩხვების საწინააღმდეგო საშუალებებთან, რიფამპიცინთან, ალკოჰოლთან. მკურნალობის პერიოდში საჭიროა ძუძუთი კვების შეწყვეტა.

ურთიერთქმედება სხვა სამკურნალო პრეპარატებთან:  აძლიერებს ანტიაგრეგანტებისა და ანტიკოაგულანტების ეფექტს, ზრდის გვერდითი ეფექტების განვითარების რისკს გლუკოკორტიკოსტეროიდებისა და სულფანილშარდოვანას პრეპარატების ფონზე.

ორსულობა და ლაქტაცია: პრეპარატის გამოყენება უკუნაჩვენებია ორსულობისა და ლაქტაციის დროს.

ავტოტრანსპორტისა და მექანიზმების მართვის უნარზე გავლენა: პრეპარატი არ მოქმედებს ავტომობილის მართვისა და ტექნიკასთან მუშაობის უნარზე.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში პრეპარატის გამოყენება დაუშვებელია.

გაცემის წესი: ფარმაცევტული პროდუქტის ჯგუფი III - გაიცემა ექიმის რეცეპტის გარეშე.

შეფუთვა: 10 ტაბლეტი პვქ/ალუ ბლისტერში.

შენახვის პირობები: ინახება მშრალ ადგილას, ოთახის ტემპერატურაზე.

ვარგისიანობის ვადა:  4 წელი.