ნეოიმუნი N20 კაფს
დეტალური აღწერა:
წამლის ფორმა: კაფსულები.
ფარმაკოთერაპიული ჯგუფი: ზოგადი მატონიზირებელი საშუალებები.
შემადგენლობა: აქტიური სუბსტანცია: ნეოიმუნის მშრალი ექსტრაქტი (Extractum neoimuni siccum) - 0,25გ; მზადდება კრაზანას ბალახის (Hypericum perforatum), სინამაქის ფოთლების (Cassia acutifolia), ასკილის ნაყოფების (Rosa cinnamomea), წითელი ჭარხლის ბოლქვების (Beta Vulgaris) საფუძველზე (3 : 2 : 2 : 3 );
დამხმარე ნივთიერებები: მაგნიუმის ფუძეკარბონატი, აეროსილი.
ნეოიმუნის მშრალი ექსტრაქტი შეიცავს ბიოლოგიურად აქტიურ ნივთიერებათა კომპლექსს: ანტრაცენწარმოებულებს (ჰიპერიცინი, ფსევდოჰიპერიცინი, გლუკო-ალოე-ემოდინი, გლუკორეინი), ფლავონოიდებს (ჰიპეროზიდი, ქვერცეტინი, რუტინი, იზორამნეტინი, კემპფეროლი), ვიტამინებს (C, B1, B2, P, PP, K, E), კაროტინოიდებს, მინერალურ მარილებს, ორგანულ მჟავებს (ლიმონის, ვაშლის), ცხიმოვან ზეთებს, პექტინურ ნივთიერებებს.
ფარმაკოლოგიური მოქმედება: ექსპერიმენტული და კლინიკური კვლევის შედეგად დადგენილია, რომ პრეპარატს გააჩნია იმუნომასტიმულირებელი მოქმედება, აძლიერებს ანტისხეულების გამომმუშავებელი უჯრედების გენერაციის პროცესს და ანტისხეულების პროდუქციას. აქვს იმუნომაკორეგირებელი თვისება იმუნოდეპრესიის სხვადასხვა მოდელების, მათ შორის ე.წ. ეკოლოგიური იმუნოდეფიციტის დროს, რაც განაპირობებს ამ პრეპარატის, როგორც იმუნომოდულატორის გამოყენების მიზანშეწონილობას ჰუმორალური იმუნიტეტის დაქვეითებით მიმდინარე დაავადებებისას.
გამოიყენება კომპლექსურ თერაპიაში:
• მწვავე და ქრონიკული ინფექციური დაავადებების (გრიპი, პნევმონია, ჰეპატიტი, ქოლეცისტიტი და სხვ.) დროს;
• პოსტოპერაციული პერიოდის დროს;
• ხანგრძლივი ფიზიკური და გონებრივი გადაღლისას;
• გამოფიტვის დროს უძილობისა და ფსიქო-ემოციური სტრესების ფონზე;
• არასასურველი ეკოლოგიური ფაქტორების მოქმედების დროს;
• ზოგადი საერთო სისუსტის დროს.
გვერდითი მოვლენები: ხანგრძლივი მიღებისას შეიძლება გამოიწვიოს არტერიული წნევის მომატება.
უკუჩვენება: მომატებული მგრძნობელობა პრეპარატის შემადგენელი რომელიმე კომპონენტის მიმართ.
მიღების წესი და დოზირება:
მიიღება პერორალურად საკვების მიღების შემდეგ საკმარისი რაოდენობის წყლის მიყოლებით.
მოზრდილებში: 1-2 კაფსულა 3-ჯერ დღეში.
ბავშვებში 3-დან 6 წლამდე: 1 კაფსულა 1-ჯერ დღეში;
ბავშვებში 6-დან 10 წლამდე: 1 კაფსულა 2-ჯერ დღეში;
ბავშვებში 10-დან 14 წლამდე: 1 კაფსულა 3_ჯერ დღეში;
მკურნალობის კურსის ხანგრძლივობა 1 თვე. საჭიროების შემთხვევაში დასაშვებია მკურნალობის კურსის გამეორება 2 კვირიანი შესვენების შემდეგ.
დოზის გამოტოვების შემთხვევაში შემდგომი დოზის მიღება უნდა მოხდეს პირვანდელი სქემის მიხედვით.
ორსულობისა და ლაქტაციის პერიოდი: არ არის შესწავლილი.
ურთიერთქმედება სხვა სამკურნალო საშუალებებთან ან სხვა სახის ურთიერთქმედება: არ ახდენს ზემოქმედებას.
ზემოქმედება ავტომობილის მძღოლებზე და პოტენციურად საშიშ მანქანა-დანადგარებთან მომუშავე პერსონალზე: არ ახდენს ზემოქმედებას.
დოზის გადაჭარბება: დოზის გადაჭარბების შემთხვევები არ დაფიქსირებულა.
გამოშვების ფორმა:
პირველადი შეფუთვა: 10 კაფსულა პვქ/ალუ ბლისტერზე.
მეორეული შეფუთვა: 2 ბლისტერი მუყაოს კოლოფში ინსტრუქციასთან ერთად.
ვარგისობის ვადა: 3 წელი.
ვარგისობის ვადის ამოწურვის შემდეგ ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.
გაცემის წესი: III ჯგუფი, გაიცემა რეცეპტის გარეშე.
შენახვის პირობები: ინახება 15-25º C ტემპერატურაზე, სინათლისგან დაცულ, მშრალ და ბავშვებისთვის მიუწვდომელ ადგილზე.