გაინტერესებთ რისთვის გამოიყენება პარაბენები სხვადასხვა პროდუქტში და რა გავლენა აქვს მას ჩვენს ორგანიზმზე

პარაბენი წარმოადგენს სინთეზურ ნივთიერებებს, რომლებიც გამოიყენება სხვადასხვა პროდუქტში, მათ შორის, კოსმეტიკურ და ჰიგიენურ საშუალებებში კონსერვანტის სახით. პარაბენები ხელს უშლიან ბაქტერიებისა და სოკოების გამრავლებას, რითაც ზრდიან პროდუქტის ვარგისობის ვადას.

რა უარყოფითი მოქმედება შეიძლება ჰქონდეს პარაბენების შემცველ პროდუქტს

ალერგია

კვლევების მიხედვით, პარაბენები ზოგ შემთხვევაში იწვევს ალერგიულ რეაქციას კანზე, რომელიც გამოხატულია ქავილით, კანის გამოშრობით, წვის შეგრძნებით და ა.შ.

კანის დაზიანება

არსებობს გარკვეული პარაბენები, რომლებიც აძლიერებენ მზით გამოწვეულ კანის დაზიანებას და ხელს უწყობენ კანის ნაადრევ დაბერებას.

ესტროგენული აქტივობა

ზოგიერთი კვლევის მიხედვით, პარაბენები ზრდიან ესტროგენის სინთეზს, რამაც შესაძლოა ხელი შეუწყოს მკერდის კიბოს განვითარებას. თუმცა პირდაპირი კავშირი პარაბენების გამოყენებასა და მკერდის კიბოს განვითარებას შორის კვლევებით დადასტურებული არ არის.

ენდოკრინული დარღვევები

პარაბენები გავლენას ახდენენ ენდოკრინული ჯირკვლების მუშაობასა და ჰორმონების სინთეზზე, ამიტომ მიიჩნევა, რომ მათი შემცველობა სხვადასხვა პროდუქტში უნდა იყოს ლიმიტირებული.

დღესდღეობით მრავალი მწარმოებელი იყენებს პარაბენების ალტერნატიულ კონსერვანტებს, რომლებიც ნაკლებად საზიანოა ადამიანისთვის.

ნეოფარმი გირჩევთ არომას თმის და ტანის მოვლის სერიას, რომელიც არ შეიცავს პარაბენებს და უსაფრთხოა გამოსაყენებლად:

არომა შამპუნი 400მლ

არომა თმის კონდიციონერი 400მლ

არომა შხაპის გელი 400მლ